شهد المؤتمر الصحفي للمدير الفني لمنتخب مصر حسام حسن حالة من التوتر، بعدما شن هجوماً حاداً على منتقدي الفريق خلال الفترة الأخيرة، مؤكداً أن الجهاز الفني يقوم بكل ما يمكن تقديمه في ظل ضغط المباريات والإرهاق الذي يعاني منه اللاعبون.
وقال حسام حسن بانفعال واضح:
"أنتوا ما بتفهموش أي حاجة! أنتوا عارفين مين هو حسام وإبراهيم حسن؟ عارفين تاريخنا إيه؟ فيه ناس جت دربت منتخب مصر هنا، كانوا لسه ما اتولدوش وإحنا كنا بنكتب التاريخ ده! رسالتي لكل منتقد: موتوا بغيظكم!"
وأضاف المدير الفني للمنتخب أن الجهاز الفني بذل كل ما في وسعه خلال الفترة الماضية، مضيفاً:
"الجهاز ده يعمل إيه أكتر من كده؟ جربنا لعيبة وعملنا اللي علينا. اللعيبة دي مجهدة ومُرهقة جداً بسبب ضغط السوبر المصري والماتشات اللي ورا بعض.. اللي بيفهم كورة بجد هيعرف إن مستحيل أقدر أزود الأحمال عليهم دلوقتي."
ويواجه منتخب مصر موجة من الانتقادات بعد تراجع المستوى مؤخراً، بينما يؤكد الجهاز الفني أن ضغط المباريات وتلاحم الموسم وضع اللاعبين في حالة إرهاق قصوى، وهو ما يحاول التعامل معه بحذر في المرحلة المقبلة.